بهمسة
قالتلي أنا أسفة
قالتلي مش عارفة
أزاي عملت كده
ضايقتك
يمكن حبيبي جرحتك
لأ وكمان ظلمتك
بجد سامحني
ودبت بكلمتين
وأنا اللي كنت مكشّر
وقايل هاعمل مكبّر
بس مين قدامها يقدر
يفضل زعلان ثانيتين
وأنا اللي كنت باقاسي
وأقول مش هاصالح المرادي
وأشوفها تقدر علي بعادي
وطلعت هي أحسن مني
وجت تتكلم وتحايلني
أيوا ظلمتني
بس جت علي نفسها وجت تصالحني
وبجد كبرتي في عيني يا قمر
وبجد كان علي عيني كام يوم سهر
والعيون تايهة والقلب يسألني تفتكر
هاترجع تاني ولا نحجز مكان في سقر
وفعلا جه حبيبي ومكدبش خبر
وعرفت خلاص
أنا قد أيه غالي عندك
وأنا أنا عكازك وأنا ساندك
وأنت كمان
ياللي خليت فلبي يعزف علي حبي الأمان في ألحان
ياللي رسمت بالأشواق علي قلبي لوحة من غير ألوان
ومن هنا ورايح
تضايق في زي ما أنت عايز
ودا وعد مني مش كلام وجايز
ولو يوم نسيت
وزعلت منك
تعالي في ودني
وأهمس
بس
همسة...........